前兩日
衛詩雅突然喺平台
曬出鵝蛋咁大嘅鑽戒
宣布自己被求婚喔
一大紮玫瑰花擺眼前
詩雅一臉驚喜望住未婚夫
雙手托下巴
感動到眼濕濕
有網友好奇呢位
“男主角”係邊個
有眼尖嘅網友見到詩雅
曾經現身過醫美公司開張
原來“男主角”
就係醫美公司嘅醫生
兩人低調拍拖兩年幾
but有網友又雙叒認錯人
以為係即将生B嘅詩雅
佢又結婚,未即系再婚?
其實準備結婚嘅係衛詩雅
準備生B嘅係連詩雅啊~
唔單止網友分唔清
就連家燕媽媽都試過當場嗌錯人
衛詩雅上電台節目
同家燕媽媽合照時
對方恭喜呢位“詩雅”有喜
現場一度勁尴尬
衛詩雅即場高EQ回應
叫家燕姐恭喜佢提名
“金像獎最佳女主角”
笑住幫手解釋
“你唔係第一個(認錯)”
/////
而同兩位詩雅
好有緣分嘅陳家樂
面對老友衛詩雅被求婚
表示自己一早就知
而且好戥對方開心
可以嫁到個好老公
其實喺舊年
衛詩雅同陳家樂
一起宣傳佢哋有份主演嘅
電影《不日成婚2》時
詩雅就有爆響口
透露自己好事近
如無意外仲會
喺兩年内結婚生仔
詩雅更講笑咁話
如果堅有咗
就可以用“真肚”拍第三輯
話說呢
衛詩雅咁多年專心拍戲
好少同男藝人傳绯聞嘅
唔知唔覺已經39歲
呢個時候選擇完成人生大事
都係情理之中
~呐~
事隔一年時間就宣布喜訊
衛詩雅似乎係想追上
連詩雅結婚一年
&有咗BB嘅進度喔
人可能會認錯
但兩位詩雅都有好事近係真
大家都戥佢哋開心嘅~
Color也祝福衛詩雅
和她的另一半
早日拉埋天窗、早生貴子
靓show開售
艾怡良
不想忘記的名字們-廈門站
不停開show、不停售罄
“姨娘”嘅聲音實在受歡迎
【上海站】嘅門票已經售罄
【廈門站】仲有少量餘票
想成為佢“不想忘記的名字們”
快啲去“可樂生活”官方抖音号
搶飛啦
吳若希
IN·POSSIBLE-廣州站
吳若希巡演首站驚喜不斷
MV男主現身勁sweet
Jinny化身“舞娘”超吸睛
廣州係佢過去首次開個唱嘅舞台
再次回歸
勢必有更大、更勁爆精彩呈獻
喺“可樂生活”官方抖音号就可以買飛啦
圖檔來源:微網誌等
網絡綜合資訊整理
編輯:饒禧
校對:王慧詩
稽核:曾敏妍
簽發:駱蘋
【微店】羊晚文創線上商店【郵政】中國郵政微郵局【淘寶】羊晚生活館都可以訂閱《可樂生活》
▼▼▼
>>>
一次過get可樂報詳細内容
羊城晚報報業集團旗下的粵語生活類報紙,廣東省唯一一份粵語刊物。廣州至潮至IN的吃喝玩樂,灣區潮流資訊風向,統統喺曬度!
微信公衆号、微網誌、微信視訊号、喜馬拉雅 @可樂生活Color
嘩哩嘩哩、小紅書 @Color班馬
抖音@可樂生活
官方商務合作QQ:1902182069(請注明來意)
官方微信号:靓仔可樂君(handsomecolor)(請注明來意)