艺人陈家乐（Carlos）同老婆连诗雅（Shiga）去年4月24日正式拉埋天窗。早前分享喜讯表示怀有身孕的Shiga，今日正式卸货B女Camila出世，恭喜晒。
小公主Camila重5.9磅，初为人父的家乐剪完脐带既兴奋又感动，抱着Camila爆喊！见他喊到双眼通红，相当感动。宠妻号的家乐陪住太太入产房、亲手剪脐带，见证小公主诞生，看到囡囡眼仔睩睩，脚撑撑，心情更是久久不能平复。
他语带激动说：「BB啱啱出咗世，好开心！出嚟已经非常之活泼，喺度到郁手郁脚，佢哋话只眼似妈妈，个鼻同口似我，但我唔系好分到，宜家仲有啲紧张有啲头痛，头先都帮BB剪咗脐带，个经历系好特别，好烟韧…我唔识讲。」
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
新手爸爸陈家乐表示：「我以为自己好唔紧张，可以好冷静去安抚住太太生BB。谂左1000个笑话500个烂gag，结果入到产房我系紧张到有种窒息感，一个都讲唔出。唯一讲到出口既，只有一句I love you。其实呢段时间，我觉得自己好唔负责任，临生前几星期飞左去拍剧，一路都好担心，但陈太真系好坚强照顾好自己，仲做好晒准备功夫。BB今日平安出世，妈妈系最伟大。」
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
初为人母的Shiga同样紧张，未正式推入产房时上身已经紧张到不停震，最后需要打了很少量镇静剂平复心情，Shiga说：「之前真系好紧张，上身不自主在震，但到生嘅时候又发现冇想象中咁痛，囡囡又好乖好快就出嚟，见到囡囡出世一刻，好兴奋、好感动，咩痛都唔记得晒！更神奇系囡囡喊嘅时候，只要抱佢系自己身边，佢自自然唔再喊！」
刚生完Shiga表示感觉是有点疲累，但为了囡囡健康，已尝试喂人奶，在看到囡囡嘴郁郁手