组合软硬昨晚天师于亚博站台，举行拉阔音乐会，全场坐无虚席并成功钩起不少乐迷的集体回忆。多年未有合体开骚的软硬，江湖地位依然甚有份量，邀得正在展开巡唱的草蜢现身又唱又跳，最惊喜是早前打波受伤的陈奕迅（Eason）突然神秘登场，全场立时起哄！
Eason「先声夺人」亮相，台上歌声响起才脱下已戴上的外套帽子，现场所见精神十足。期后他更与软硬合唱歌曲《老人苑》及《重口味杀人事件》，3人毫不留力齐齐起舞娱宾。随后林海峰笑说：「你首次见人系去食车仔面，第二次就系今晚正式演出嘛。」Eason接口自嘲：「封番个窿（伤口）唔会漏气嘞，医生好好，手工好细致。」谈到工作，他即预告复出：「下个礼拜开始tour。」
由于有可能再举行《草蜢大战软硬part 2》，两对队合更于同场表演后于背景字幕留意叫观众密切期待。葛民辉开声意欲招揽Eason说：「想拉埋你入局！」Eason即回应：「做咩呀？想拉低番个年龄层？」令人忍俊不禁。
草蜢现身与软硬合唱时，蔡一杰自曝明年他们成军40年，林海峰即谓：「咁系咪会申请健力士世界纪录大全？你哋系闹交最多及长期都可能拆伙嘅组合 ，但又合作到依家喎。」当蔡一智被爆倘有数个月便「登6」时，苏志威即谓：「我哋呢度全部加埋300岁嘞，哈哈！」及后全场向蔡一智高唱生日歌，葛民辉打趣：「登6要有啲登记手续喎，你了解完记得call我哋讲声。」台下笑声不绝。
另外、软硬更邀来后辈歌手Moon Tang（邓凯文）、Kiri T（谢晓盈）、张蔓姿及云浩影担任嘉宾，又直言：「预祝明1月1日喺同一个舞台（指乐坛颁奖礼），有啲好离谱嘅事发生喺你哋身上！」而台上软硬读出粉丝信时，竟有粉丝寄来当年「东方日报」南极圈的靓女相 ，旁边附设一首标题《好富贵》的打油诗，原来软硬以往曾于节目内诵读过，故炒热全场气氛。
完骚后软硬孖住受访。谈到今次开骚准备比较匆忙。林海峰笑说：「睇奥运帮咗我哋，令我哋有运动员精神拼到最后，运动员有伤员要克服，我哋就克服我哋嘅不足。一直都好担心大家捱唔捱得到最后。（最惊系跳舞？）唔系，乜都惊，嚟到就惊，走嘅时候又惊塞车，不过唔紧要，我哋逐分逐分追番啰。」
他又不忘多谢Eason及草蜢今次的鼎力支持：「今次所有嘅嘉宾，都系我哋亲自打电话邀请佢哋嘅。（事前担心Eason嘅伤势有影响？）我唔敢问，只系向佢身边嘅人打听，不过如果有通知（唔嚟），都一定会知嘅。（系咪再会同草蜢开骚？）要等草蜢做完巡唱先，我谂紧到佢哋50周年有我哋份啩，哈哈！（睇档期？）（软硬）档期大把，打后几年都得，主要系睇场地嘅档期，嚟紧又到葛民辉嘅舞台剧嘞，佢都好忙。」