欧倩怡&郭晋安
已经离婚好几个月啦
最近欧倩怡以“专家”身份
参加综艺《健康关注组》嘅录制
自从离婚之后
倩怡就好活跃
经常参加节目&出席活动
每次现身都笑容满面
但佢喺今次嘅节目采访中就透露
依家自己勤出来活动
努力工作都係因为生活所迫
真等钱使、要交租等
令佢好大压力
网友就吐槽话：
郭生冇俾赡养费？
郭晋安宣布离婚后就火速入组
最近宣布新剧
内地部分拍摄已经杀青
有网友发现佢身材肥润咗唔少
面容虽然冇之前咁“胶”
但突肚腩略显老态
整体嘅“中佬味”浓咗好多
话晒欧倩怡都係专业嘅营养师
平时会比较注重屋企人饮食健康
依家郭晋安冇咗个营养师照顾
身材都走埋样啵
//////////
～well～
饮食唔节制就最容易肥噶啦
但好多为食猫明明唔肚饿
但嘴巴就係想食嘢啵
最近喺天河嘅商场里面
就有一面立体美食嘅打卡墙出现
上面有巨型嘅煲仔饭、红烧肉
豉汁排骨、菠萝油&姜撞奶
油润腊味同香软米饭搭配
斋睇画面已经好诱人
轻轻揿下旁边嘅“香气按钮”
肉香、饭味即刻传送到你面前
企喺煲仔下面
双手托举成份腊味饭
干饭达人+铁砂掌大力士
就係你啦
旁边嘅红烧肉鲜亮肥厚
揿下神奇按钮
甜甜嘅酱汁香就会扑鼻而来
揽实肥美嘅大肉肉
独享一整舊美好
有冇觉得自己超幸福
豉汁蒸排骨係广州人早茶必点
立体模型连精髓嘅
红绿辣椒圈都安排咗
闻一闻鲜香肉味+豉汁咸香
好想知呢碟排骨
有冇加香芋垫底啰
白白滑滑嘅姜撞奶
就最啱做饭后甜品啦
闻到香甜醇厚嘅阵阵奶香味
令人好想食几多碗
姜撞奶嘅匙羹立体突出
握住佢就好似去咗巨人国
咁美味嘅甜品
第一啖你会俾边个先？
high tea时间
整返件菠萝油就最醒神了
香酥脆皮同柔软牛油
俾舌尖双重冲击
真係食过翻寻味噶
闻过呢面有香气嘅
美食打卡墙
竟然觉得有啲饱！
如果你嘅胃口成日“蠢蠢欲动”
就不如过来闻多两啖饭菜香
满足咗自然忍到口、食少啲
Color提醒：打卡墙唔係真正嘅食物，气味亦係香料调配嘅，香味接受程度因人而异，大家当佢一趣味“大玩具”打卡玩下就好。
资料来源：微博
网络信息综合整理
美食墙打卡图片：饶禧
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店【邮政】中国邮政微邮局【淘宝】羊晚生活馆都可以订阅《可乐生活》
▼▼▼
>>>
一次过get可乐报详细内容
羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！
微信公众号、微博、微信视频号、喜马拉雅 @可乐生活Color
哗哩哗哩、小红书 @Color班马
抖音@可乐生活
官方商务合作QQ：1902182069（请注明来意）
官方微信号：靓仔可乐君（handsomecolor）（请注明来意）