资深歌手舒雅颂于80年代开始淡出娱乐圈，甚少公开露面。早前她接受锺慧冰的个人频道节目访问，席间分享丈夫两度中风的经历，当中更谈及急救方法！
「雀友」及时救一命
舒雅颂忆述丈夫中风前正在打麻将，她说：「佢第一次中风我坐紧飞机，一到上海就收到电话，就话佢中咗风，嗰阵吓死我，好彩个仔喺澳门赶过嚟， 仲即刻call白车送佢去医院，好彩同佢打麻雀嗰4个人，有3个都中过。」
事发地点为酒楼，一班「雀友」立即搵针，舒雅颂解析：「原来系用嚟拮佢啲手指，因为中风嘅话，血系飙上头，如果拮穿啲手指，血咪喺手指流出嚟，咪唔会飙上，去到医院就OK啦，即日可以出院，阿仔都话畀我知冇事，话爸爸醒返，我先冇咁惊。」
舒雅颂：咬到佢啲手指出血
其后舒雅颂丈夫再度中风，情况比之前危险，她说：「第二次中风系车度，突然间见到佢好似发咗癫，唔知发生甚么事，嗰阵我揸紧车，好惊，又搵唔到针，唯有捉实佢只手，咬到佢啲手指出血，然后佢又咬住我只手，好似傻咗咁。」
同行的胞妹不断叫她停车，她即称：「如果停车佢即刻会死，于是咪即刻去仁安医院，去到仁安，三个医护都揿佢唔住，佢发晒癫，我咪入去揿实佢，要打两支针先得。」
舒雅颂丈夫数度打麻雀期间均突然「停顿」，某心脏科医生向她作出建议：「如果系咁，即刻畀佢瞓落地，抬高佢只脚，等啲血上返去心脏，咁呢啲都唔算系中风，不过呢个做法只可以做10零秒，如果冇血到就好麻烦，有时搓佢番脸，叫醒佢就冇事，呢个方法系咪次次都work，我唔知，我谂系个别。」